China kusitisha uagizaji wa malighafi kutoka Korea Kaskazini

BEIJING- SERIKALI imesema leo kwamba, itasitisha uagizaji wa makaa yam awe, chuma cha pua na bidhaa nyinginezo ambazo zimekuwa zikiiagizwa kutoka Korea Kaskazini ndani wa wiki tatu zijazo ili kutekeleza vikwazo vilivyowekwa na Umoja wa Mataifa (UN).

China ambao ndiyo washirika wakuu wa Korea Kaskazini, wamekuwa wagumu kutekeleza vikwazo hivyo wakihofia utawala wa Kim Jong-un huenda ukaanguka lakini kwa sasa imeamua na imezuia uagizaji huo kuanzia Agosti 5, mwaka huu.

Wakala wa Forodha nchini, imesema itasitisha uingizwaji wa bidhaa kama vile makaa ya mawe, chuma, samaki na chuma cha pua kufikia usiku wa Septemba 5, mwaka huu.

“Tunapenda kutangaza rasmi kwamba, baada ya Septemba 5, mwaka huu, bidhaa hizo zitapigwa marufuku kuingizwa nchini,” ilisema taarifa ya wakala wa forodha.

Tangazo hilo linafuatia majibizano makali, baina ya Rais wa Marekani, Donald Trump na kiongozi huyo wa Korea Kaskazini, Kim Jong-un wiki iliyopita.

Korea Kaskazini imekuwa ikiiuzia China bidhaa zenye thamani ya dola za Marekani bilioni 1 (sh trilioni 2.2) kwa mwaka, hivyo hatua hiyo a China inatarajiwa kuathiri kwa kiasi kikubwa uchumi wa taifa hilo lililopo rasi ya Korea.

VOA.