Uruguay yaweka rekodi kwa kuhalalisha rasmi biashara ya bangi

MONTEVIDEO- URUGUAY imeingia kwenye vitabu vya kumbukumbu za dunia, kwa kuwa nchi kwanza kuhalalisha mauzo ya bangi kwa minajili ya kujiburudisha.

Maduka 16 ya kuuza mmea huo yalianza rasmi kuuza bangi jana. Karibu watu 5,000 wamejiandikisha Serikalini, ili waweze kununua bangi kwa njia halali.

Hata hivyo, watumiaji wa mmea huo maarufu zaidi duniani, watalazimika kujibana kwani wataruhusiwa kununua hadi gramu 10 kwa wiki na manunuzi yao yasizidi gramu 40 kwa mwezi.

Hatua hii inakuja miaka minne, baada ya sheria iliyohalalisha biashara ya bangi kupitishwa. Wale wanaounga mkono wanasema itasaidia kukomesha biashara haramu ya bangi na kuwatupa nje wauza madawa ya kulevya.

Wafanyabiashara wanaweza kuchagua kutoka aina mbili ya bangi kati ya Alpha 1 na Beta 1. Bei ya gramu tano za bangi itauzwa dola 6.50 (sh 14,300).

Bangi inayouzwa kwenye maduka ya madawa, hutoka kwenye mashamba yanayosimiwa na Serikali.

Pia, sheria hiyo huwaruhusu watu kupanda bangi yao nyumbani au kujiunga na vilabu vinavyofanya kilimo cha mmea huo.