Mali za rais wa Brazil kushikiliwa

BRASILIA- Jaji wa Mahakama Kuu nchini, Sergio Moro ameagiza mali za Rais wa zamani wa Brazil, Luiz Inacio Lula da Silva kushikiliwa, baada ya kupatikana na hatia ya rushwa.

Jaji Moro amesema kiasi cha fedha zenye thamani ya dola za Marekani 200,000 (sh milioni 440) zimegunduliwa katika akaunti ya kiongozi huyo wa zamani.

Majengo matatu ya ghorofa, kipande cha ardhi na magari mawili pia yanashikiliwa kufuatia amri hiyo iliyotolewa.

Lula ambaye alipata umaarufu kwa uongozi wake nchini, ataendelea kutumia mali zake, lakini iwapo rufaa aliyokata kupinga kifungo cha miaka tisa gerezani alichohukumiwa, itashindwa, mali hizo zitakamatwa.

Mwenyewe amekuwa akidai kuwa mashtaka dhidi yake yamehamasishwa kisiasa.

BBC