Mtoto aliyepandikizwa mikono aanza kucheza mpira wa magongo

PHILADELPHIA- KIJANA wa kiume nchini, Zion Harvey ameweka historia kwa kuwa mtoto wa kwanza kupandikizwa mikono na kuweza kucheza ipasavyo mpira wa magongo (Baseball).

Ni miaka miwili tangu Zion ambaye sasa ana umri wa miaka 10, apandikizwe mikono mipya, na madaktari wake wanasema wamefurahishwa na namna anavyoendelea.

Zion kwa sasa anaweza kuandika, kujilisha na pia kujivisha nguo. Licha ya mikono yake kutoka kwa mtu mwingine, ubongo wake umeikubali kama yake, kwa mujibu wa uchunguzi uliofanywa.

Zion alizaliwa akiwa na mikono yote miwili, lakini wakati alipofikisha umri wa miaka miwili, madaktari walilazimika kuikata.

“Wakati nilipokuwa na umri wa miaka miwili, mikono yangu ilikatwa kwa sababu nilikuwa mgonjwa,” anasema Zion.

Zion alikuwa na ugonjwa ujulikanao kama Sepsis, ambao ni hatari kwa maisha. Madaktari walikata mikono yake kwa sababu ilikuwa inakufa. Pia figo zake zilipata matatizo.

Akiwa na umri wa miaka minne, Zion aliwekewa figo kutoka kwa mama yake. Upasuaji wa kumuwekea Zion mikono, uliofanywa Juni 2015, ulikuwa hatua kubwa. 

Kando na ule uliofanywa mwaka 1998, upasuaji wake Zion alifanyiwa mtu mwenye umri mdogo zaidi.

Kundi la watu 40 wakiwemo madaktari wa upasuaji 10, walimfanyia Zion upasuaji usiku wote hadi asubuhi kumpandikiza mikono yake mipya.

Changamoto kubwa waliyokumbana nayo madaktari wakati wa upasuaji wa Zion, ilikuwa ni kuunganisha mishipa midogo ya damu ambayo ingesaidia mikono yake kubaki kuwa hai.

BBC.