Trump ajutia kumteua Sessions kuwa Mwanasheria Mkuu

NEW YORK- Rais Donald Trump amesema kuwa asingemteua Jeff Sessions kuwa Mwanasheria Mkuu, kama angejua kuwa angejiondoa kutoka kuongoza uchunguzi kuhusu Urusi.

Trump ameliambia gazeti la New York Times kuwa, hatua ya Sessions haijawa nzuri kwa urais. Sessions alijiondoa baada ya kukiri kuwa alikutana na Balozi wa Urusi.

Alisema kuwa hawezi kujiuzulu, na ataendelea kuongoza idara ya sheria vyema. Sessions alikuwa mmoja wa wale waliomuunga mkono zaidi Trump.

Licha ya gavana huyo wa zamani wa Alabama kuwa na jukumu la kutekeleza ajenda ya Rais kama mwanasheria mkuu, Trump mwenyewe anamlaumu kwa kuruhusu kuwepo kwa uchunguzi huru ambao umehujumu Urais.

Aliyekuwa Mkurugenzi wa FBI, James Comey, ambaye mwenyewe alilengwa na Trump, alifichua kuwa kundi la kampeni ya Trump lilikuwa chini ya uchunguzi.

BBC