Sababu za Weston hotel kutofungwa zabainishwa

NAIROBI- KUFUATIA wagonjwa 50 kulazwa kwa kuugua kipindupindu, imedaiwa kuwa chakula walichokula kwenye hoteli ya kifahari ya Weston kilinunuliwa kutoka nje ya hoteli hiyo.

Hoteli hiyo inayohusishwa na umiliki wa Naibu Rais, William Ruto, imezua gumzo kwenye mitandao kutokana na hatua ya Serikali kutoifunga licha ya kutoa wagonjwa 50.

Akizungumza kuhusu sakata hilo, Waziri wa Afya nchini, Cleopha Mailu alisema uchunguzi uliofanywa na wataalam wa wizara hiyo ulibaini kuwa hakukuwa na kirusi chochote cha ugonjwa huo kilichokutwa kwenye jiko na wafanyakazi wa hoteli hiyo.

Wakati Weston Hotel ikiwa haijafungwa, hoteli ya Jacaranda na mgahawa wa San Valencia ulifungwa kutokana na wateja waliokula vyakula kulazwa kwa kuugua ugonjwa huo ambao umeshaua watu wawili.

Inadaiwa hoteli hizo zitafunguliwa pale tu wafanyakazi wake wote, watakapobainika kutokuwa na virusi vinavyoeneza kipindupindu.

Standard Media.