Busu lakatisha maisha ya mtoto mchanga

Mtoto Mariana Sifrit akiwa kwenye mashine ya kumsaidia kupumua, muda mfupi baada ya kufikishwa hospitalini. Mtoto huyo alifariki baadaye na inadaiwa kuwa, aliambukizwa virusi hatari vya HSV-1 kupitia busu.

IOWA- IMEKUWA ni habari ya kusikitisha na kuogofya, baada ya mtoto mwenye umri wa siku 18 kuugua ghafla na kufariki dunia kutokana na kuambukizwa ugonjwa kupitia busu.

Kwa mujibu wa Idara ya Afya ya New York, Mariana Sifrit aliugua ugonjwa ambao ulisababisha mauti yake baada ya kuambukizwa virusi vya HSV-1 ambavyo ni hatari zaidi kwa watoto kwani wanakuwa hawana kinga kama walivyo watu wazima.

Mariana aliyezaliwa Julai mosi mwaka huu, anadaiwa kupigwa busu mmdomoni na mtu ambaye amemuambukiza ugonjwa huo na wazazi bado hawajajua ni nani aliyetekeleza tukio hilo kwani wao walipochunguzwa kama wana virusi hivyo walionekana kuwa hawana.

Inadaiwa kuwa virusi hivyo vya HSV-1, huambukizwa kwa mtoto kutoka kwa mtu mzima mwenye midomo yenye ubaridi mkali.

Akizungumza kuhusu mkasa uliomkumba mwanae, Nicole Sifrit alisema aliruhisiwa kutoka hospitalini na mwanawe akiwa na nyaraka zinazoonesha kuwa yupo salama lakini baada ya siku sita kupita, hali ilibadilika na mtoto kurudishwa hospitalini akiwa hoi taabani.

Alikuwa akisumbuliwa na Ini ambalo lilishindwa kufanya kazi vema, huku damu ikivuja ndani kwa ndani na kushindwa kuganda. Madaktari walibaini kuwa, mtoto huyo aliambukizwa virusi vya HSV-1, ambavyo huambukizwa kwa busu.

“Watu wazima wengi wameathiriwa na na virusi vya HSV-1, na huwa wana virusi hivyo kwenye midomo na mate yao kwa muda lakini hawaoneshi dalili,”

“HSV-1 huenea pale mate ya mtu aliyeathiriwa na virusi hivyo vinapogusa tundu za pua au kuingia kwenye ngozi. Wakati virusi hivyo kwa watu wazima husababisha midomo kuwa ya baridi sana, lakini kwa watoto wachanga huwa hatari zaidi kwani husababisha vifo,” ilieleza taarifa ya Idara ya Afya na Usafi wa Akili ya jiji la New York nchini hapa.

Mara baada ya kufariki dunia kwa mwanaye, mzazi wa Mariana aliandika kwenye ukurasa wake wa Facebook kwamba; “Kila mzazi anapaswa amlinde mwanaye, kwa kutoruhusu mtu yeyote ambusu.” Ikiwa ni ushauri wake kwa marafiki wake mtandaoni humo..

CBS NEWS