Mwanamke aliyetorokea Korea Kaskazini kuchunguzwa

SEOUL- MAMLAKA za Polisi jijini hapa, zinafanya uchunguzi iwapo mwanamke mmoja anayedai kutoroka nchini na kurudi Korea Kaskazini amerudi kwa matakwa yake au ametekwa nyara na kurudishwa nchini humo. 

Mwanamke huyo aitwaye Lim Ji-hyeon, alionekana kwenye mitandao na televisheni za taifa hilo akisema hatua yake ya kuamua kutoroka nchini na kurudi Korea Kaskazini ni sawa na kuitoroka ‘kuzimu ya kibepari’. 

Polisi wanadai kuwa, mwanamke huyo alisafiri hapo awali kwenda China lakini ghafla akaonekana kwenye televisheni hiyo akieleza kuwa ameamua mwenyewe kutoroka.

Lim anadai kuwa maisha hapa nchini si sawa na alivyokuwa akidhani hapo awali, kwani fedha ni kila kitu na kusababisha hali kuwa ngumu iwapo mtu hana fedha.

“Si sehemu sawa na nilivyofikiria awali. Kila siku ni sawa na kuzimu.. nilikuwa nikilia kila usiku unapoingia nikifikiria kuhusu nchi yangu, na wazazi wangu walio Korea Kaskazini,” alisema Lim.

DW