Morata atua London kukamilisha dili la Chelsea

LONDON- MSHAMBULIAJI wa klabu ya Real Madrid, Alvaro Morata (24) ametua jijini hapa muda mfupi uliopita ili kukamilisha uhamisho wake na kujiunga na Chelsea.

Kwa mujibu wa video iliyowekwa kwenye ukurasa wa Twitter wa Kocha wa Chelsea, Antonio Conte, mchezaji huyo amesema ameichagua Chelsea kwani ni timu bora kwa sasa na iko chini ya meneja bora.

“Nimeichagua Chelsea kwani ni timu bora na ina ndoto za kufika mbali. Pia inaongozwa na meneja mzuri ambaye napenda kufanya kazi chini yake,” alisema Morata.

Morata anatarajiwa kuelewana maslahi binafsi na Chelsea, baada ya timu hiyo kukubali kutoa pauni milioni 70 (sh bilioni 203.3) kama ada ya uhamisho. Baada ya hapo atapima afya muda wowote na kusaini mkataba.

Habari zaidi tutakujuza zikitufikia.