Jioni leo; Liverpool, Arsenal & Chelsea zamfuata Muller # Neymar kuwanunua Mbappe na Verratti # Vigogo EPL wamtaka Kruse

LONDON- GAZETI la The Sun limeripoti kuwa klabu tatu za Uingereza, Arsenal, Liverpool na Chelsea zinapambana vikali kuipata saini ya mshambuliaji wa Bayern Munich ambaye hatima yake iko shakani, Thomas Muller. 

Barcelona wameeleza kuwa, endapo watamuuza mshambuliaji wao, Neymar kwa PSG, basi fedha hizo zitatumika kuwasajili wachezaji wawili wa Monaco, Kylian Mbappe na Marco Verratti.

Kwa mujibu wa gazeti maarufu nchini Ujerumani la Bild, Chelsea na Liverpool zinashindana vikali kumuwania mshambuliaji wa Werder Bremen, Max Kruse (29). Kruse alifunga goli 15 katika mechi 23 alizocheza msimu uliopita.

Arsenal wameingilia kati dili la usajili wa kiungo wa Everton, Ross Barkley (23), baada ya wao kutangaza nia ya kumhitaji. Awali, Barkley alikuwa akitakiwa na Tottenham pekee na alisema anahitaji pauni 100,000 (sh milioni 290) kwa wiki.

Klabu ya Werder Bremen ya Ujerumani, imesema iko tayari kumchukua mshambuliaji wa Manchester United, Anthony Martial (21) kwa mkopo wa msimu mmoja. Kicker.

Inter Milan wameendelea kuikazia Manchester United, kuhusiana na ombi lao la kumtaka Ivan Perisic (28). Inadaiwa kuwa Perisic amesema anataka kuhamia United, lakini mashetani hao wekundu hawataki kulipa pauni milioni 48 (sh bilioni 139.2) kama dau la usajili.

Mshambuliaji wa Torino ambaye awali alihusishwa na Manchester United na Arsenal, Andrea Belotti, yuko mbioni kuelekea AC Milan. Belotti atakutana na mmiliki wa Torino, Urbano Cairo, kumweleza kuwa anataka kuondoka. 

Habari zote na Sky Sports.