Watu 19 wauawa kwenye mlipuko mjini Manchester

Polisi nchini, wamesema watu wasiopungua 19 wameuawa na wengine 59 kujeruhiwa kwenye mlipuko uliotokea mwishoni mwa tamasha la muziki la mwanamuziki wa Marekani, Ariana Grande mjini hapa. 

Polisi na kikozi maalum cha uokozi jijini Manchester, Uingereza wakimsaidia majeruhi wa mlipuko uliotokea jana na kuua watu 19 jijini humo kwenye tamasha la Ariana Grande.

Maofisa wawili wa Marekani walisema mshambuliaji wa kujitoa muhanga anashukiwa kuhusika na mlipuko huo.

Waziri Mkuu, Theresa May alisema tukio hilo linachukuliwa kuwa la kigaidi. May anatarajiwa kuongoza kikao cha dharura cha kamati ya usalama kuanzia saa tatu asubuhi.

Vyombo kadhaa vya habari vimeripoti kwamba kulitokea milipuko miwili ndani ya ukumbi huo wenye uwezo wa kuchukua watu 21,000 waliokaa. Polisi wa Manchester walisema wanashirikiana na polisi taifa na mashirika ya kijasusi kuchunguza mlipuko huo.

Meya wa mji wa London, Sadiq Khan ametuma risala zake za rambirambi kwa jamii za wahanga na amesema mji wa London unasimama pamoja na mji wa Manchester kufuatilia tukio hilo.

BBC