Muwindaji afariki kwa kuangukiwa na tembo Zimbabwe

HARARE, Zimbabwe

MUWINDAJI mbobezi wa wanyama, Theunis Botha amefariki dunia baada ya kuangukiwa na tembo ambaye alipigwa risasi na wawindaji.

Kwa mujibu wa taarifa iliyotolewa na wavuti ya Netwerk24, Botha alipoteza maisha wakati alipoangukiwa na tembo jike aliyepigwa risasi na timu ya wawindaji waliokuwa wakiongozwa na muwindaji huyo katika eneo la mbuga ya wanyama ya Hwange nchini hapa.

Botha (pichani) mwenye umri wa miaka 51, na baba wa watoto watano kutoka jimbo la Limpopo nchini Afrika Kusini, alifikwa na mkasa huo wakati tembo huyo alipovamia eneo walilokuwa wamepumzika wawindaji wengine akiwemo yeye.

Mara baada ya tembo huyo kufika hapo, alianguka na kumwangukia Botha kabla ya kufa. Taarifa hiyo inaeleza kwamba wawindaji wenzake na Botha, walijaribu kumwinua lakini walikuta mwenzao tayari ameshapoteza maisha.