Wapenzi wa jinsia moja wachapwa viboko 85 Indonesia

ACHEH, Indonesia

WANAUME wawili wamechapwa viboko 85 kila mmoja mkoani hapa, baada ya kufumamwa wakifanya mapenzi.

Wanaume hao walisimama kwenye jukwaa wakiwa na mavazi meupe wakiomba, huku kundi la wanaume likiwachapa vikobo kwenye migongo yao. Serikali imeharamisha mapenzi ya Jinsia moja na mkoa huu hutawaliwa na sheria ya kidini- Sharia.

Adhabu hiyo ilitolewa mbele ya umma.  Wanaume hao wa miaka 20 na 23 walifumaniwa wakiwa ndani kitandani na makundi ya sungusungu yaliyovamia makazi yao Machi mwaka huu.

Kabla ya kufumaniwa na kundi la sungu sungu, mmoja wao alikuwa ni mwanafunzi wa chuo kikuu akisomea udaktari. Aliwaambia waandishi wa habari kuwa mipango yake ilikuwa ni kuwa daktari. Kwa sasa inaripotiwa kuwa chuo kimemtimua mwanafunzi huyo.

Video za wawili hao wakifumaniwa, zilisambazwa kwa wingi kwenye mitandao ya kijamii wakiwa wote uchi huku wakiomba msaada. Sheria kali dhidi ya mapenzi ya jinsia moja zilipitishwa mwaka 2014 na kuanza kutekelezwa mwaka uliofuatia.

Hukumu za kuchapwa viboko zilitolewa awali kwa makosa yanayohusu kucheza kamari na unywaji pombe.

BBC