Mvua kubwa yaua sita Japan

KYUSHU- WATU sita wamekufa na wengine 100,000 wametakiwa kuondoka katika makazi yao kisiwani hapa, baada ya mvua kubwa zinazonyesha kusababisha mafuriko makubwa zaidi.

Mvua ambazo zilinyesha kwa saa 40 mfululizo katika baadhi ya sehemu, zilisababisha mafuriko kwani ni kubwa zaidi ya zile ambazo zimekuwa zikinyesha kawaida miezi hii.

Jeshi la Zimamoto na Uokoaji, lililazimika kutumia helikopta kuokoa mamia ya watu waliokwama kwenye paa za nyumba zao na kwenye miti kutokana na mafuriko hayo.

Mbali na kuwepo kwa jeshi hilo la zimamoto, vikosi vingine vya majeshi vililazimika kuja kuongeza nguvu kwenye zoezi hilo la uokoaji na kufanikiwa kuwaokoa watu wengi.

Sky News