Jioni Njema; Mane kurudi uwanjani wiki ijayo # Wachina wakataa dau la Barcelona # Gyan na Clichy waelekea Uturuki

MSHAMBULIAJI wa Liverpool, Sadio Mane anatarajiwa kuanza mazoezi na wenzake ndani ya siku 10 zijazo baada ya kupona jeraha la goti alilolipata mwishoni mwa msimu uliopita.

Mane (25) alilazimika kukosa mechi nane za timu yake, baada ya kuumia katika mchezo ambao waliibuka na ushindi wa bao 3-1 dhidi ya watani wao wa jadi, Everton katika uwanja wa Anfield. BBC Sport.

Kwingineko kwenye usajili, miamba ya soka la China, Guangzhou Evergrande wamekataa dau la pauni milioni 22 (sh bilioni 63.8), kutoka kwa wababe wa Catalunya, Barcelona kama ada ya uhamisho ya kiungo wao, Paulinho. Sky Sports HQ.

Nahodha wa Ghana, Asamoah Gyan amepata mapokezi makubwa leo kutoka kwa wanachama na mashabiki wa timu ya Kayserispor ya Uturuki ambayo amejiunga nayo kwa mkataba wa miaka miwili. BBC Sport.

Wavuti ya habari za michezo ya Anadolu, imeripoti kuwa mchezaji wa zamani wa Manchester City na Arsenal, Gael Clichy, anatarajiwa kujiunga na timu ya Basaksehir Istanbul ya Uturuki. Hiyo inatokana na mchezaji huyo kumaliza mkataba wake na Man City mwishoni mwa June mwaka huu. BBC Sport.