Jioni leo; Liverpool watenga £80m kwa Keita # Man Utd wamfuata Renato # Morata afuzu vipimo

LEIPZIG- TIMU ya RB Leipzig imejikuta katika wakati mgumu wa kukataa dau la pauni milioni 80 (sh bilioni 232), ambalo limewekwa mezani na Liverpool kwa ajili ya kumsajili, Naby Keita (22). Liverpool Echo.

 

Manchester United wamejitosa kwenye dili la kumsajili kiungo wa Bayern Munich na Ureno, Renato Sanches (19), baada ya mchezaji huyo kushindwa kufanya vema Allianz Arena. Daily Star.

Mshambuliaji wa zamani wa Real Madrid, Alvaro Morata (24) amefuzu vipimo vya afya na anatarajiwa kusaini mkataba rasmi na timu hiyo, baada ya Chelsea kukubali kulipa ada ya pauni milioni 58 (sh bilioni 168.2). Sky Sports.

Arsenal wamepewa nafasi ya kumsajili kiungo wa Barcelona, Rafinha kwa dau la pauni milioni 27 (sh bilioni 78.3). Wiki iliyopita, Rais wa Barcelona, Josep Maria Bartomeu alisema mchezaji huyo anaweza akaondoka. Sky Sports.

Stoke City wamefanikiwa kukamilisha usajili la beki wa kati wa Chelsea, Kurt Zouma, kwa mkopo wa mwaka mzima. Sky Sports.

Kiongozi wa akademi ya Manchester United, Nicky Butt amesema timu hiyo itaendelea kuwapa vipaumbele wachezaji watokanao na akademi za timu hiyo. Sky Sports.

West Ham imekamilisha dili la kumsajili mshambuliaji wa Bayer Leverkusen ya Ujerumani, Javier Hernandez ‘Chicharito’ na anatarajiwa kutua London muda wowote kukamilisha vipimo vya afya na kusaini mkataba. Sky Sports.