Zuma matatani tena Afrika Kusini

Rais wa Afrika Kusini, Jacob Zuma

CAPE TOWN, Afrika Kusini

RAIS Jacob Zuma anachunguzwa tena baada ya kuvuja kwa idadi kubwa ya barua pepe, zinazodai kugundua mtandao wa rushwa kati yake na familia ya Guptas yenye ushawishi kibiashara.

Nyaraka hizo ambazo zimechapishwa magazetini nchini, zimedokeza kuwa familia ya Guta ilipokea malipo ambayo yangeweza kuvuka kiwango cha zaidi ya dola za Marekani milioni 400, katika mpango wa kununua kichwa cha treni kutoka China kwa ajili ya Shirika la Reli la nchi.

Nyaraka hizo zinadai kwamba Gupta wangepata dola 750,000. Hata hivyo familia ya Gupta bado hawajazungumza chochote kuhusiana na shutuma hizo. Msemaji wa Rais Zuma amepinga taarifa hizo na kusema kuwa ni za kutengenezwa.