Polisi kuchunguza mlolongo wa mauaji ya wanawake Afrika Kusini

Mmoja wa wanawake waliouawa, Karabo Mokoena

JOHANNESBURG, Afrika Kusini

POLISI nchini, wanachunguza misururu mauaji ya wanawake kwenye mtaa wa Soweto jijini hapa pamoja na mitaa ya Gauteng ambako nako miili mingine ilikutwa mwishoni mwa wiki.

Miili mitatu tayari imetambuliwa. Baadhi ya watu ambao walitambuliwa ni, Bongeka Phungula na Popi Qwabe ambao walidaiwa kutoweka siku ya Ijumaa na inaripotiwa kuwa pia walibakwa.

Mwili wa Lerato Moloi ulipatikana eneo la Naledi huko Soweto, huku mwili wa nne ukipatikana eneo linalotumika kutupa taka.

Radio mbalimbali hapa nchini, zimepokea simu nyingi kutoka kwa raia wanaoitaka Serikali kuchukua hatua ya kupambana na uhalifu na kufanya jitihada za kuwalinda wanawake na watoto.