Msichana amkata uume kiongozi wa dini India

KERALA, India

MSICHANA mmoja wa umri wa miaka 23 nchini, amekata uume wa kiongozi mmoja wa dini jimboni hapa kwa madai kwamba mwanaume huyo amekuwa akimbaka kwa miaka kadhaa.

Polisi wamesema kuwa kiongozi huyo wa dini aitwaye, Gangeshananda Theerthapada, alikuwa akienda kwenye nyumba ya mwanamke huyo kufanya maombi kwa ajili ya afya ya baba wa mwanamke huyo.

Hatua ya kiongozi huyo wa kidini kwenda nyumbani kwa msichana huyo, ilikuja baada ya mama yake kuwa na matumaini kuwa mtu huyo ya Mungu angetatua matatizo ya familia yake. Badala yake binti yake alidai kuwa alimdhulumu kingono kila mara.

Tukio hilo lilitokea Ijumaa usiku, mara baada ya kiongozi huyo kufika hapo na kuanza shughuli yake kisha kuelekea kumbaka msichana huyo ambaye alichukua kisu na kumshambulia na kisha kuwaita polisi mwenyewe.

Mtuhumiwa huyo wa ubakaji, alikimbizwa hospitalini kwa matibabu ya dharura. Hospitali hiyo ilisema mwanamume huyo wa miaka 54 kutoka Kollam alilazwa kwenye hospitali hiyo.

Hata hivyo, madaktari walieleza kuwa uume wa kiongozi huyo wa kidini ulikuwa umekatwa kwa asilimia 90 na hakuna uwezekano wa kurudishwa tena. Madaktari walijaribu kuzuia kufuja kwa damu na kumfanyia upasuaji ili aweze kupitisha mkojo.