Kiongozi wa zamani FBI kuchunguza udukuzi wa Urusi

WASHINGTON DC, Marekani

Wizara ya Sheria nchini, imetangaza kuteuliwa kwa Mwendesha Mashtaka maalum atakae ongoza uchuguzi wa tuhuma iwapo Urusi iliingilia uchaguzi wa Marekani wa mwaka jana.

Mwendesha mashtaka huyo, Robert Mueller (pichani) aliwahi kuwa mkuu wa shirika la kijajusi la FBI. Pia katika uchunguzi wake, atazingatia iwapo kulikuwa na mwingiliano wa aina yoyote kati ya Urusi na timu ya kampeni ya Trump.

Taarifa iliyotolewa na wizara hiyo, ilisema uchunguzi huo utaongozwa na mtu asiyeegemea upande wowote kwa ajili ya maslahi ya umma.

Tangazo hilo linafuatia utata uliojitokeza, kufuatia kufutwa kazi wiki moja iliyopita kwa James Comey, ambae ndiye aliyekuwa akiongoza uchunguzi huo