Trump aionya tena Korea Kaskazini

Meli ya Carl Vinson kwa sasa inaelekea rasi ya Korea

Melivita ya Marekani iitwayo Carl Vinson ambayo iko njiani kuelekea katika eneo la rasi ya Korea, tayari kukabili vitisho vyovyote vya kivita vya Korea Kaskazini

WASHINGTON DC, Marekani

RAIS Donald Trump kwa mara nyingine ameionya Korea Kaskazini kupitia mtandao wa twitter, kwa kusema kuwa taifa hilo linatafuta matatizo.

Aidha, Trump alilitaka taifa la China ambalo ni mshirika mkuu wa Korea Kaskazini kujaribu kukabiliana na jirani wake huyo.

Trump alipendekeza kuwa China itapata makubaliano bora ya kibiashara ikiwa itafanya hivyo, lakini akaongeza kuwa Marekani haitaogopa kutatua tatizo la Korea Kaskazini pasipo uwepo wa China.

Trump alitoa matamshi kama hayo wiki moja iliyopita, lakini tangu wakati huo msukosuko umekuwa mkubwa. Marekani imetuma meli za kivita kuenda kwa maji ya rasi ya Korea, hatua ambayo imechochea ghadhabu ya Korea Kaskazini.

BBC